Har bir buyurtma holatiga alohida biznes jarayon va rol biriktirishingiz mumkin. Shu yo‘l bilan siz buyurtma kelib tushgan paytdan tortib to uning amalga oshirilishigacha bo‘lgan butun yuk jo‘natish jarayonini nazorat qilasiz va buyurtmalar bilan ishlashdagi zaif joylarni aniqlay olasiz.

Buyurtmani qayta ishlash jarayoni — bu buyurtma qabul qilingandan boshlab, uni jo‘natishga tayyorlashgacha bo‘lgan bosqichma-bosqich harakatlar ketma-ketligidir. Ushbu maqolada tizimdagi buyurtmani qayta ishlashning bir varianti ko‘rib chiqiladi, u operatorlarning ishini tartibga solish va avtomatlashtirishga yordam beradi.

Buyurtmani qayta ishlash quyidagi maqsadlarda qo‘llaniladi:

• Buyurtmalar holatini nazorat qilish.
• Buyurtma ma’lumotlarini tahrirlash.
• Buyurtmalar guruhiga tegishli ma’lumotlarni ommaviy yangilash.
• Katta hajmdagi buyurtmalar bilan qulay ishlash.
• Ombor va yetkazib beruvchilar uchun yuk xatlarini tayyorlash.
• Logistikani boshqarish: transport va ekspeditorlarni biriktirish, ajratish yoki qo‘shish imkoniyati.

Ish faqat Tashkilot darajasida amalga oshiriladi.

Yuqori paneldagi Продажа bo‘limiga o‘ting.

1. Ochilgan pastki menyudan Заказы bandini tanlang.
2. Shundan so‘ng barcha mavjud buyurtmalar ro‘yxati ko‘rsatilgan oynani ko‘rasiz.

Ushbu oynada siz quyidagilarni bajarishingiz mumkin:
– Yaratilgan buyurtmalar ro‘yxatini ko‘rish
– Holat, buyurtma sanasi, mijoz va boshqa parametrlar bo‘yicha filtrlash
– Yangi buyurtma yaratish yoki mavjudini tahrirlash
– Har bir buyurtma bo‘yicha amal bajarish: ko‘rish, holatini o‘zgartirish va boshqalar.

Buyurtmani qabul qilish va dastlabki qayta ishlash

• Buyurtma tizimga «Новый» yoki «Черновик» holatida tushadi.
• Operator «Изменить статус» funksiyasi orqali buyurtma holatini o‘zgartiradi.
• Buyurtmani tahrirlash «Новый», «Черновик» va «В обработке» holatlarida amalga oshiriladi.

Buyurtmani tahrirlash va ommaviy o‘zgarishlar

Buyurtmani qayta ishlash jarayonida «Прикрепить» funksiyasi mavjud bo‘lib, u buyurtmalarni ommaviy ravishda o‘zgartirish imkonini beradi. Bu quyidagi ma’lumotlarni yangilashda qulaydir:

• Дата доставки — sanani belgilash yoki tahrirlash
• Экспедитор — yetkazib berish uchun mas’ul shaxsni tayinlash yoki almashtirish
• Номер товарно-транспортной накладной — tovar topshirilganini tasdiqlovchi hujjat raqamini kiritish
⚠️Diqqat! Bir nechta buyurtma tanlangan taqdirda raqamni o‘zgartirish tavsiya etilmaydi, chunki bitta raqam bir nechta buyurtmaga bir vaqtning o‘zida biriktiriladi.
• Примечание — buyurtmaga qo‘shimcha izoh yoki sharh qo‘shish
Qo‘shimcha sozlamalar:
• Изменение типа самовывоза — agar mijoz buyurtmani o‘zi olib ketsa
• Выбор автотранспорта для доставки.

Buyurtmalarni ommaviy o‘zgartirish

Ommaviy o‘zgartirish funksiyasi bir nechta buyurtmalarni bir vaqtning o‘zida yangilash imkonini beradi. Bu buyurtmalar holatini yoki tafsilotlarini alohida emas, balki guruh tarzida tezkor o‘zgartirish imkonini beradi. Natijada katta hajmdagi buyurtmalar bilan ishlash samaradorligi sezilarli darajada oshadi.

Xuddi shu tarzda, siz yukxatlar bilan ham ishlashingiz mumkin.

Narx turlarini boshqarish

«Настройки типа цены» funksiyasi buyurtmalarda narx turini ommaviy tarzda o‘zgartirish yoki buyurtma ichidagi alohida mahsulotlar uchun narxlarni tahrirlash imkonini beradi.

Buyurtmani qayta ishlashni yakunlash va jo‘natishga tayyorlash

Barcha o‘zgartirishlar kiritilgandan so‘ng, buyurtma «В ожидании» holatiga o‘tkaziladi. Ushbu bosqichda operator omborga topshirilishi kerak bo‘lgan mahsulotlar ro‘yxati bilan yuk xatini shakllantiradi.
Tizimda turli xil yuk xatlari turlari mavjud bo‘lib, ularni tishli belgi orqali maxsus vazifalarga moslab sozlash mumkin.

Buyurtmani yig‘ish va mashinaga yuklash jarayoni

Buyurtmadagi barcha TММ (tovar-moddiy qiymatliklar) yig‘ilib, ekspeditorga topshirilgandan so‘ng, ombor mudiri buyurtma holatini "Отгружено" deb o‘zgartiradi.
Shuningdek, u yetkazib berishni amalga oshiradigan ekspeditorni va foydalaniladigan transport vositasini ko‘rsatadi. Ushbu jarayon faqat mobil versiyadan foydalanadigan yetkazib beruvchilar uchun amalga oshiriladi.

Tovarni yetkazib berish jarayoni

Buyurtma holati "Отгружен" ga o‘zgartirilgandan so‘ng, u ekspeditorning mobil versiyasida yetkazib beriladigan buyurtmalar ro‘yxatida paydo bo‘ladi.

Ekspeditor mobil ilovada buyurtma yetkazilganini belgilaganidan so‘ng, buyurtma holati avtomatik tarzda "Доставлен" ga o‘zgaradi.

Rejalashtirilgan savdoni yakunlash

Buyurtma holati "Доставлен" ga o‘zgartirilgandan so‘ng, siz buyurtma mijozga yetkazilganiga ishonch hosil qilishingiz kerak. Shundan so‘ng, ushbu buyurtma bo‘yicha realizatsiya jarayonini yakunlash zarur.

Mas’ul xodim tomonidan "Доставлен" holatidagi buyurtmalar "Архив" holatiga o‘tkazilishi lozim.

Faqat buyurtma "Архив" holatiga o‘tkazilgandan so‘ng, u to‘liq amalga oshirilgan hisoblanadi va mijozga debitorlik qarzi shakllanadi.